Бугун жуда долзарб мавзу ҳақида гаплашамиз. Агар сизда Инстаграм саҳифаси бўлса ва уни кўпчилик учун оммалаштиришни истасангиз ушбу мақолани ўқинг. Обуначилар сонини орттиришни истасангиз қуйидаги ишлари кетма-кет амалга оширинг. Бу асосан тадбиркорлик билан шуғулланмоқчи бўлган фойдаланувчилар учундир. Унда сиз қандай қилиб Инстаграм обуначиларини кўпайтириш йўлларини билиб оласиз.
Инстаграм обуначиларини кўпайтириш босқичлари
ТИЛНИ АНИҚЛАБ ОЛИНГ
Қайси тилда постлар бермоқчисиз ёки саҳифани юритмоқчисиз? Ўзбекча-лотиндами, ўзбекча-кирилдами ёки русчада? Бу жуда муҳим. Шунга қараб обуначилар кириб келишади. 36 ёшдан кичиклар лотинда ўқийди ва унга мослашган. Ундан катталар кирилда ўқишади ва кўзлари шунга ўрганган. Русчада ҳамма ўқийди, аммо кўпчилик барибир ўзбекчага ўрганган. Қайси тилда юритишни ўзинингиз ҳал қилинг. Аслида учтаси ҳам ёмон эмас.
САҲИФАНИ ТЎҒРИ ТЎЛДИРИНГ
Аватар ёки профиль расмига чиройли ва муваффаққиятли чиққанини қўйинг. Юзингиз аниқ кўриниб турсин. Исмингиз ёки логин қандай ёзишингизга қараб обуначилар пайдо бўлади, ишонаверинг. Энг тўғриси «Исм — Фаолият» формати. Масалан: «Anvar Karimov — Sifatli eshiklar» ёки «Музаффар Жалолов | Тошкентда китоб савдоси» ва ҳоказо. Чунки, мана ёзилган жумла орқали янги обуначилар келади. Сизни кузатади.
Унинг пасида нима фаолият юритишингиз ҳақида бўлим бор. У ерни ўзингиз танлаб қўясиз. Масалан менда «Предприниматель» деган бўлим турибди. Айнан унинг пасига нима билан шуғулланишингизни 150 та белгига (символ) мослаб тўлдириб чиқинг. Чунки, салоҳиятли мижозингиз ўшани кўриб, нима билан шуғулланишингизни билиб олади. Лозим топса сизга чиқади.
Веб сайтингиз ёки бошқа ижтимоий тармоқдаги саҳифангизни URL ҳаволасини (ссылка) кўрсатиб қўйинг.
REELS ВИДЕОДАН ФОЙДАЛАНИНГ
Инстаграмда Reels деган қисқа видеолар бўлими бор. Шу ерга фаолиятингиз ҳақида кўпроқ нарсалар беринг. Қисқа, лўнда ва аниқ бўлсин. Одамлар у орқали саҳифангизга жуда кўп кириб туришади. Айримлар доимий равишда қараб туради.
Яна нимага эътибор қаратиш керак?
SRORIES БЎЛИМИНИ ИШГА СОЛИНГ
Бу жуда керакли бўлим. Фаолиятингизни тоифаларга бўлиб олинг. Керакли чиқишни «Актуальное» деган жойдан бериб борасиз. Масалан, дейлик маиший техника сотасиз. Битта бўлим «Телевизор» ҳақида, иккинчиси «Музлатгич» ҳақида, учинчиси «Чанг ютгич» ҳақида ва ҳоказо. Чунки мижоз шу бўлимларнинг номига қараб киради ёки кирмайди. Мазкур долзаб (актуальное) бўлимларнинг муқовасини (обложка) тўғри танланг.
Хуллас, мана шулар қилишингиз керак бўлган минимум ишлар. Буни ўзингиз ҳам қила оласиз. Шунинг ўзида табиий равишда обуначилар секин-аста кириб келишади. Албатта буларнинг ҳаммасини бизнес аккаунтга ўтган ҳолда қиласиз, шуни унутманг. Яъни «переключить» деган жойдан ўтиб оласиз.
Агар бизнинг ёрдамимиз керак бўлса, марҳамат мурожаат қилишингиз мумкин. Табиий йўл билан Инстаграм обуначиларини кўпайтириш усулларини кўрсатамиз.
Мурожаат учун:
Телефон: +99897-7508030
Инстаграм: instagram.com/azizkhonakbarov76