Англия чемпионатининг 10-туридан ўрин олган «Манчестер Юнайтед» — «Манчестер Сити» учрашуви ниҳоясига етди. Унда 0:3 ҳисоби қайд этилиб, «шаҳарликлар»нинг ғалабаси билан якунланди. «МЮ» ўз уйида ўйнаб, йирик ҳисобда мағлубиятга учради. Эътиборингизга ушбу беллашув шарҳини ҳавола қиламиз.
«Манчестер Юнайтед» — «Манчестер Сити» учрашуви ҳақида
Бу ўйинни ҳамма кутди. Сабаби, у 10-турнинг безаги бўлиши керак эди. Шундай ҳам бўлди. «Олд Траффорд» стадионига йиғилган минглаб мухлисларнинг аксарияти ўз суюклиларидан ғалаба кутишганди. Аммо, ютуқ меҳмон жамоасининг қўлида кетди.
23-дақиқада Хейлунд рақиб футболчиси Родрини «Юнайтед» жарима майдончаси ичида ушлаб қолди. Ҳаакам Тирни дарҳол ВАРга мурожаат қилди. Қайта кўриб чиқиб, пенальти бўлганини аниқлади. Тўп ёнига Холанд яқинлашди. Норвегиялик футболчи 11 метрлик зарбани бехато ижро этиб, «Сити»ни олдинга олиб чиқди. Унгача Онанага сариқ карточка ҳам кўрсатилиб бўлганди.
Ўтказиб юборилган голдан сўнг майдон эгалари жавоб голини уришга интилишди. Бунга имкониятлари бўлди ҳам. Рэшфорд ва Мактоминейларда вазиятлар содир этилди. Лекин уларнинг ҳаракатлари самара бермади. Томонлар кичик ҳисобда танаффусга чиқиб кетишди.
Иккинчи бўлим ҳақида
Иккинчи бўлимда «Манчестер Сити» яна ўйин тизгинини қўлига олди. 49-дақиқада «Сити» футболчиси Бернарду Силва тўпи чиройли тарзда дарвозабон тарафга кўтарди. У ерда яна ўша тиниб-тинчимас Холанд бор эди. У боши билан тўпни Онана устидан ўтказиб, иккинчи голни урди ва дубль қайд этди.
71-дақиқада Холанд учинчи голни ҳам уриши мумкин эди. Грилиш ажойиб тарзда Эрлингни бирга-бир чиқариб юборди. У эса ўз навбатида тўпни чапга олиб ўтмоқчи эди. Лекин Онанани алдай олмади. Ҳисоб ўзгармади.
Орадан 10 дақиқалара ўтиб, меҳмонлар барибир учинчи голни уришди. Родри қийинчиликсиз тўпни жарима майдонига етказиб берди. Онана кучли зарбани қайтарди, бироқ тўп узоққа кетмади. Ўша жойда ҳозиру-нозир бўлган Фоден иккинланмасдан дарвозани ишғол қилди, 0:3. Амалда ўйин тақдири ҳал бўлди.
Ўйиндан кейин ва «Манчестер Юнайтед» — «Манчестер Сити» статистикаси
«Манчестер Юнайтед» — «Манчестер Сити» учрашуви тугагач, афсонавий Рой Кин қуйидагиларни айтиб ўтди: «МЮ» футболчиларининг биронтаси ҳали етарли савияда эмас. Уларнинг даражаси клуб учун етарли эмас. Ҳали кўп ишлар қилиш керак».
«Сити» бош мураббийи Гвардиола эса аксинча «Юнайтед» мураббийини мақтади ва уни ишлаши учун ўз ҳолига қўйиш кераклигини айтди.
Фергюсон кетгач, «МЮ» клуби «Олд Траффорд» стадионида АПЛнинг 196 та ўйинининг 34 тасида мағлубиятга учради. Сэр пайтида шунча ютқазиш учун 405 та ўйин керак бўлганди. «Қизил иблислар» Англия чемпионатининг бу мавсумида 10 та ўйиннинг 5 тасини мағлубият билан якунлашди. Бунақаси 37 йилдан бери бўлмаганди.
«Манчестер Сити» ҳужумчиси Холанд сафарларда ўтказилган 23 та беллашувда 20 та гол уришга эришди. Бу рекорд натижа. Унгача ҳеч ким бунақа кўрсаткичга ета олмаган.
Қайднома билан танишинг
Англия чемпионати, 10-тур
Манчестер Юнайтед — Манчестер Сити 0:3
Голлар: Холанд (26, пенальти ), Холанд (49), Фоден (80).
Манчестер Юнайтед: Онана, Диогу Далот, Эванс, Магуайр, Линделеф (Регилон, 73), Эриксен (Антони, 86), Бруну Фернандеш, Амрабат (Маунт, 46), Мактоминей, Рэшфорд (Марсьяль, 86), Хейлунд (Гарначо, 73).
Манчестер Сити: Эдерсон, Уокер, Стоунз, Рубен Диаш, Гвардиол, Грилиш (Доку, 87), Бернарду Силва, Родри, Фоден, Холанд, Альварес (Ковачич, 87).
Огоҳлантиришлар: Онана (26), Амрабат (42), Фоден (42), Антони (90), Бруну Фернандеш (90).
«Олд Траффорд» стадиони.