Англия Премьер-лигасининг 15-тур учрашувлари бўлиб ўтди. Бу турда Лондонинг икки машҳур клуби ўзаро рўбарў келишди. «Челси» жамоаси ўзида «Арсенал» футболчиларини қабул қилди.
«Арсенал» жамоасининг одимлари
Қизиқарли кечган беллашувда 0:1 ҳисоби қайд этилиб, меҳмонларнинг ғалабаси билан якунланди. Ягона гол ўйиннинг 63-дақиқасида Габриэл томонидан киритилди.
Умуман олганда мазкур баҳсда «Арсенал» устунликда ҳаракат қилди. Тўплар билан ўйнаш статистикаси — 43-57 «тўпчилар» фойдасига ҳал бўлди. Дарвоза томон йўлланган тўплар нисбати 4-12 бу ҳам меҳмонлар фойдасига. Мўлжалга борган аниқ зарбалар бўйича кўрсаткич 1-2. Бурчак тўпларини «Челси» 4 марта амалга оширди, рақиб эса 5 марта. Қоида бузилиши бўлса 18-13 мос равишда. Сариқ карточкалар 4-2 нисбатда.
Бу ўйинда яна бир ўзига хос рекорд қайд этилди. Микель Артета шогирдлари Англия чемпионатининг стартида 13 та ўйинда 34 очко тўплашди. Бунақаси 1992 йилдан бери бўлмаган. Шунга ўхшаган 34+ очко жамғарган жамоалардан саккизтасининг еттитаси якунда чемпион бўлишганди.
«Челси» эса охирга тўртта учрашувда биронта ҳам ғалаба қозона олмади. Икки дуранг ва икки мағлубият.
Англия чемпионати, 15-тур
Челси — Арсенал 0:1
Гол: Габриэл (63).
Челси: Менди, Аспиликуэта, Тиаго Силва, Чалоба, Кукурелья, Жоржиньо, Лофтус-Чик (Ковачич, 78), Маунт (Пулишич, 78), Хавертц (Галлахер, 64), Обамеянг (Броя, 64), Стерлинг.
Арсенал: Рэмсдейл, Уайт, Габриэл, Салиба, Зинченко (Тирни, 78), Жака, Парти, Эдегор (Эль-Ненни, 87), Сака, Габриэл Жезус, Мартинелли (Холдинг, 90).
Огоҳлантиришлар: Обамеянг (27), Сака (42), Аспиликуэта (51), Чалоба (60), Уайт (80), Галлахер (85), Стерлинг (89).
«Стэмфорд Бридж» стадиони.