Тадбиркор учун ўз маҳсулотини ёки кўрсатаётган хизмат турини мижозга таклиф қилиш ва сотиш — асосий мақсадлардан бири ҳисобланади. Бугунга келиб, ижтимоий тармоқлар ва қидирув тизимлари орқали бемалол мижозни топиб олиш мумкин бўлиб қолган. Бунинг учун ўша бренд ҳақида тўғри маълумот тақдим этилса ва уни тўғри созлаб, керакли сайтларда кўрсата олинса етарлидир. Биз бугун асосий қидирув тизимлари бўлган Google ҳамда Яндекслар ҳақида сўз юритамиз. Тошкентда Google Ads курслари, деб кўпчилигимиз излаймиз. Топган ва топа олган координаталаримиз бўйича алоқага чиқамиз. Маъқул келса давом эттирамиз. Исмим Азизхон Акбаров, 20 йилдан ортиқ муддат ичида IT соҳасида фаолият юритиб келаман. 1998 йили Мирзо Улуғбек номидаги Ўзбекистон Миллий Университетининг «Математика ва механика» факультетини тугатганман. «Сунъий тафаккур» ва «ўзбек тилини математик моделлаштириш» бўйича кўп йиллик ишларни олиб борганман. Сизга ўз билимларимнинг айримларини баҳам кўрмоқчиман.
Тошкентда Google Ads курслари қаерда бор?
Ушбу курс ҳақида кўплаб корхоналар ўз хизматларини таклиф қилишлари турган гап. Уларнинг аксарияти рус тилларида олиб борилади. Кўп ҳолларда синчковлик билан тушунтирилмайди. Стандарт услублардан фойдаланишади. Мен эса сизга Google Ads платформасининг мавжуд сирлари ҳақида ўзбек тилида илм бераман. Бевосита компьютер олдида шуғулланиб, керакли кўрсатмаларни тақдим этаман. Курс муддати узоғи билан 1 ой давом этади. Ундан қисқа муддатда ҳам бемалол ўзлаштириб олиш мумкин.
Демак, бунинг учун биринчи навбатда Google сайтида рўйхатдан ўтган бўлишингиз ва электрон почтангиз бўлиши шарт. Кейин ads.google.com манзилни териб, ўзингиз учун янги аккаунтни очасиз. Ўша аккаунтда ишни бошлайсиз. Русчасига буни «учетная запись» деб аташади. Ҳаммасини қилиб бўлганиздан кейин, аккаунтга кирасиз ва «эксперт режим» бўлимни танлайсиз. Айнан шу режимда Google сизга барча «қуролларни» (инструменталар) очиб беради. Ундан сўнг «Создать компанию» деган бўлимни босасиз. Мақсадни кўрсат, деган жойга, «мақсадсиз кўрсатмаган ҳолда» яъни — «без указания цели» деган рукнни танлайсиз. Чунки бу орқали ўша яратилаётган реклама компаниясини тўлиқ назоратда ушлаб турасиз.
Ундан кейин ўша компаниянинг тури танланади. Биз бошланишига оддийгина матн қидирувига оид («поиск») эълонлар турини танлаймиз. У орқали фойдаланувчи қанақадир калит сўзни изласа, Google ўшани кўрсатиб беради. Хуллас, турни танлаганимиздан сўнг «Натижа» деган жой келади. Яъни русчасига уни «Результат» деймиз, босилганда қаергадир ўтиши керак. Аниқроҳи уни «мақсадли саҳифа» десак ҳам бўлади. Шунчаки, «веб сайтга ташриф буюриш» бўлимини боссангиз кифоя. Ўша жойга URL ҳаволани киритасиз. Давом этасиз.
Созлаш ишлари ҳақида
«Компанияни созлаш» бўлимида биринчи бўлиб ном бериш керак бўлади. Чунки, бир неча корхона эълонларини яратаётганингизда уларни фарқлаш учун бу ном ас қотади. Исталган номни беришингиз мумкин, ўзингиз тушунсангиз бўлди. Дарҳол, контекст-медиа тармоқ деган бўлимдан «галочка»ни олиб қўйинг. У «контекстно-медийная сеть» дейилади. У керакмас ҳозирча. Акс ҳолда бу ҳолатда Google бюджетни кераксиз равишда кўп ишлатиб юборади. Бизн яратаётган компанияни бошланишига фақатгина излаганда чиқарса етарлидир. Унинг пасида «Қўшимча созламалар» яъни «Дополнительные настройки» деган жой бор. Бу ерда реклама муддатини бошланиш ва тугаш саналарини кўрсатишимиз мумкин. Бундан ташқари, куннинг қайси соатларида ёки ҳафтанинг қайси кунларида кўрсатиш кераклигини ҳам белгилаш имконитига эгасиз. Ундан сўнг таргетинг ва аудиториянинг сегментини созлаймиз.
«Местоположение» деган жойга қайси ҳудудда кўрсатиши кераклигини белгилайсиз. Тилни танлайсиз ва ҳоказо кичик созлашларни амалга оширасиз. Тил деганда сизнинг мижозларингиз қайси тилда гаплашади, шуни кўрсатасиз. Булардан кейин «бюджет» ва «ставка» деган бўлимлар келади. Қайси валютада пул тўламоқчисиз — кўрсатасиз. Дарвоқе, Google Ўзбекистонда расман ишлайди ва 15% қўшимча қиймат солиғи (НДС) тўлайди. Яъни сарфлаётган пулингизга қўшиб, 15% устама ҳам ечиб олади, шуни унутманг.
Google Ads платформасининг қандай сирлари бор?
Эслаб қолинг: Google Ads тизимида созлаш ишлари жуда кўп айёрликлардан иборат. Аниқроғи — тузоқлар мавжуд. Салгина хато қилсангиз бу қопқонга тушасиз ва бюджетдан айриласиз. Ортиқча сарфлаб қўясиз. Бундан эса Google маза қилиб фойдаланиб қолади. У учун тезгина пулларни «ечиб» олиш қизиқ доим. Бизнинг курсларимиз мақсади ҳам сизни мана шунақа ортиқча сарф-харажатдан сақлашдир.
Google Ads платформасида икки турдаги реклама берувчилар бўлади. Биринчи — ҳаммасини тўғри қилишади ва созлашади. Уларга доимий равишда мижозлар чиқиб туради. Иккинчиси — рекламани нотўғри созлашади ва маблағдан айрилишади. Натижада, бу реклама ишламади, деган хулосага келишади.
Янги аккаунт эгаларини Google автоматик тарзда «Умный режим» деган саҳифага олиб ўтади. Агар тўғри таржима қиладиган бўлсак «Пулингдан айрилдинг» деганиндир. Чунки, бу йўналишда давом эттирсангиз пулни «шилиб» олишади. Шунинг учун «Режим эксперта»га ўтиш керак. У ерда профессионал функциялар таклиф этилади. Эксперт режимга ўтишингиз билан сизни кўк рангли «Янги компания» деган тугма кутиб олади. Шуни босиб давом эттирасиз.
Кўриб турганингиздек, Тошкентда Google Ads курслари деб излаганларга айтиладиган дастлабки маълумотларимиз шундан иборат. Агар сизга бу курс қизиқ бўлса, марҳамат биз билан боғланинг. Бир ойгача давом этадиган муддат ичида янги касб мутахассиси бўлиб етишасиз. Аслида, куни 2 соатдан 3-4 та дарснинг ўзи етарли ҳисобланади. Танлов ўзингиздан.
Мурожаат учун:
Телефон/Телеграм: +99897-7508030
Инстаграм: ҳавола