Дунёга машҳур икки юлдуз — Месси ва Роналду бир-бирига қарши ўртоқлик учрашувида майдонга тушиши мумкин. Бу ҳақида Саудия Арабистонида чоп этиладиган Al-Bilad газетасининг мухбири Али Абдуллоҳ хабар тарқатди.
Ушбу журналистнинг гапларига қараганда, ўйин Хитой давлатида бўлиб ўтади. Унда АҚШнинг «Интер Майами» ҳамда Саудия Арабистонининг «Ал-Наср» жамоалари ўзаро кураш олиб боришади. Учрашув ўртоқлик мақомида ўтади.
Бу баҳсни ҳозирча номи сир тутилаётган йирик халқаро маркетинг корхонаси ташкил қилаётган экан. Шарти шуки — унда барча юлдузлар иширок этишади. Чин юртида ўтказиш молиявий нуқтаи назардан фойдали деган қарорга келишган.
Эслатиб ўтамиз, Месси ва Роналдулар 2023 йилнинг бошида ҳам «ПСЖ» иштирокида ўртоқлик учрашувида майдонга чиқишганди.