Англия Премьер-лигасида «Манчестер Юнайтед» деган жамоа бор. Бу жуда катта бир клубнинг номидир. Бутун дунёдаги футбол ишқибозларининг сони бўйича «Манчестер Юнайтед» жамоаси «Реал» Мадрид (1-ўринда) ва «Барселона»дан (2-ўринда) кейин 3-ўринда туради. Бугун бу клубнинг унчалик ҳам ишлари олдинга кетмаяпти. Матбуотда «Манчестер Юнайтед» сотилади, деган хабарлар тарқалган.
«Манчестер Юнайтед» сотилади — ким олиши мумкин?
Клуб ўйин жиҳатдан инқироз ёқасига келган кундан бошлаб, сотиб оламан, деган бойлар аста-секин чиқа бошлади. Биринчилардан бўлганлар бу қатарлик миллиардерлар бўлишди. Бошланишига, улар таклиф қилган пул «МЮ» хўжайинларига маъқул келмади. Шу кунларда «қизил иблислар»ни сотиб олиш бўйича яхшироқ таклиф келиб тушган.
Қатарлик шайх Жасим бин Ҳамад ал-Тони ва INEOS нефть корхонаси хўжайини миллиардер Рэтклифф «Манчестер Юнайтед»га янги таклиф беришди. Рэтклифф клубнинг директорлар кенгаши билан шахсан учрашган ва улар билан муносабатни яхшилаб олишни истамоқда. Салоҳиятли харидор берган бу таклифини шу ой охиригача жиддий равишда кўриб чиқишади, деган умидда. Бундан ташқари, «МЮ» раҳбарлари клубни сотмасдан ҳам инвестиция жалб қилиш вариантини ўйлашмоқда.
Аслида неча пул туради?
Бошида инглиз грандини сотиб олишни истаганлар учун 4,5 млрд фунт стерлинг пул сўрашганди. Кейинчалик бу кўрсаткич янаям ошди. Ҳозирда айнан қанча эканлиги сир тутилмоқда. Хабарингиз бор, спорт тарихида энг катта савло 2022 йилда бўлган. Ўшанда «Денвер Бронкос» жамоаси 4,65 млрд долларга сотилган. Бу — 3,75 млрд фунт стерлинг дегани. Агар «Манчестер Юнайтед» сотилади, деган хабар мантиқан якунланса ва томонлар келишишса бу спорт тарихида рекорд қийматга айланади.
Биласиз, «МЮ» америкалик Глейзерлар хонадонига тегишли. Улар клубни сотиш фикридан қайтишмаган. Аммо, улар 6 млрд фунт стерлинг сўрашяпти. Чунки, уларнинг фикрича, мана шу миқдор Манчестер шаҳри бош жамоасининг ҳақиқий нархи экан. Яна бир маълумот: шайх Жасим бин Ҳамад ал-Тони клубнинг 100% акцияларини сотиб олишга тайёр, қанақадир фоизлар унга қизиқ эмас.
Эслатиб ўтамиз, «қизил иблислар»нинг ўтган йили Deloitte корхонаси аудит қилган. «Юнайтед»нинг соф даромади 593 млн фунт стерлинг бўлгани маълум бўлган. Бу клубдан кўпроқ фойда олган 4 та жамоа бор. Улар «Манчестер Сити», «Реал» ва «Ливерпуль»дир.
Хуллас, музокаралар давом этмоқда. Агар клуб сотилса (сотилиш эҳтимоли жуда катта) янаям топ жамоага айланиши турган гап. Юлдузлар оқиими янги босқичга чиқиши кутилмоқда.