Англия чемпионатининг 13-туридан ўрин олган «Челси» ҳамда «Манчестер Юнайтед» клублари ўртасидаги ўйин ниҳоясига етди. Қизиқарли кечган драматик баҳсда 1:1 ҳисоби қайд этилди.
Икки гол ҳам ўйиннинг сўнгги дақиқаларида киритилди ва ҳақиқий ҳаяжонни тақдим этди. Дастлаб, «Челси» футболчиси Жоржиньо 87-дақиқада пенальтидан ҳисобни очиб, лондонликларни олдинга олиб чиқди. Қўшиб берилган дақиқаларнинг сўнггиларида, анироғи 90+4 дақиқада Каземиро жавоб голини йўллаб, «Манчестер Юнайтед»ни мағлубиятдан қутқариб қолди.
Беллашувнинг 57-дақиқасида «МЮ»нинг франциялик ҳимоячи Рафаэль Варан жиддий жароҳат олди. У «Челси» ҳужумчиси Пьер-Эмерик Обамеянг билан тўп талашиб, оёғини чим устига ноқулай тарзда тиқиб олди. Натижада майса устига йиғилиб тушди. Шифокорларнинг тиббий тезкор муолажасига қарамасда унинг жароҳати жиддий бўлиб чиқди. Футболчи майдонни йиғлаган ҳолда тарк этди. Унинг ўрнига заҳирадан Виктор Линделеф майдонга тушди.
Афтидан, бу Жаҳон чемпионатига таъсир кўрсатиши мумкин. Вараннинг қатнашиши сўроқ остида қолди. Усиз ҳам Франция термасида бир қатор футболчилар ЖЧ-2022 га бора олишмайди. Улар Нголо Канте ва Бубакар Камаралар. Яна Майк Меньян, Поль Погба, Люка Эрнандесларнинг ҳам иштироклари номаълум.
Дарвоқе, сўнгги дақиқаларада урилган голни Goal-line technology тизими орқали аниқлашди. Ҳакам замонавий қурилмага мурожаат қилди.
Хуллас, томонлар 1 очкодан бўлиб олишди. Чемпионлик учун кураш авжига чиқмоқда.
Англия чемпионати, 13-тур
Челси — Манчестер Юнайтед 1:1
Голлар: Жоржиньо (87, пенальти) — Каземиро (90+4).
Челси: Аррисабалага, Аспиликуэта, Тиаго Силва, Кукурелья (Ковачич, 36), Чалоба, Чилуэлл, Жоржиньо, Лофтус-Чик (Чуквуэмека, 79), Маунт, Обамеянг (Пулишич, 74), Стерлинг (Броя, 79).
Манчестер Юнайтед: Де Хеа, Диогу Далот, Варан (Линделеф, 60), Мартинес, Шоу, Эриксен (Мактомини, 80), Каземиро, Бруну Фернандеш, Антони, Рэшфорд, Санчо (Фред, 52).
Огоҳлантиришлар: Антони (32), Фред (86), Шоу (90), Жоржиньо (90), Мартинес (90).
«Стэмфорд Бридж» стадиони.