Англия чемпионатининг 23-туридан ўрин олган «Ливерпуль» — «Эвертон» учрашуви бўлиб ўтди. Унда 2:0 ҳисоби қайд этилиб, майдон эгаларининг ғалабаси билан якунланди. Ўйин ҳақида батафсил маълумот берамиз.
«Ливерпуль» — «Эвертон» учрашуви ҳақида
Ниҳоят, Клопп шогирдлари ғалабани тантана қилишди. Дастлкб, 36-дақиқада Муҳаммад Салоҳ ҳисобни очди. Мисрлик футболчи Дарвин Нуньес узатмасига чиройли нуқта қўйди. Танаффусгача «Ливерпуль» устунликни сақлаб турди. Иккинчи бўлимда ҳам битта гол киритилди. Аниқроғи, 49-дақиқада ЖЧ-2022 да порлаган нидерландиялик ҳужумчи Гакпо ҳисобни 2:0 кўринишга олиб келди. Бу Кодининг янги жамоасидаги илк голидир. Томонларда яна ҳисобни ўзгартириш учун имкониятлар бўлди. Аммо, уёғида дарвозабонлар ишончли ўйин кўрсатишди.
Мезбонлар шу тариқа кетма-кет 4 маротаба давом этган ғалабасиз ўйинларга чек қўйишди. Ундан аввал «Брентфорд» ва «Брайтон»га имкониятлар бой берилганди. «Челси» билан дуранг қайд этилган. «Вулверхэмптон»га эса йирик ҳисобда ютқазилганди.
Ўйин сўнгги фикрлар
Учрашув тугагач, Юрген Клопп шогирдларини мақтаб ўтди. «Атмосфера ажойиб эди, мен ишқибозларнинг меҳрини яхши кўраман. Футболчиларим ҳам бунга яраша жавоб қайтаришди. Бугун «Ливерпуль» якдил бўлиб ҳаракат қилди. Икки голни ҳам қарши ҳужумда киритдик. Мен улардан мана шундек ўйин кутаман. Муҳими 3 очкога эга бўлдик», — деди у.
«Анча ўзимни енгил ҳис қилишни бошладим. Бундан ҳам ёмон вазиятларни бошимиздан ўтказганмиз. Доим, қийин пайтларда қандай ўйнаш кераклигини билганмиз. Мен ҳар бир сониялардан роҳатландим», — қўшимча қилди Клопп.
Учрашув қайдномаси билан танишинг:
Англия чемпионати, 23-тур
Ливерпуль — Эвертон 2:0
Голлар: Салоҳ (36), Гакпо (49).
Ливерпуль – Алиссон, Александер-Арнолд, Матип, Гомес, Робертсон, Байчетич (Кейта, 90), Хендерсон (Милнер, 80), Фабиньо, Салоҳ (Эллиотт, 90), Гакпо (Фирмино, 80), Нуньес (Диогу Жота, 70).
Эвертон – Пикфорд, Коулмэн, Тарковски, Коуди, Миколенко, Гуйе, Дукуре, Онана (Дэвис, 78), Макнил (Мопе, 78), Симмс (Грэй, 61), Ивоби.
Огоҳлантиришлар: Коуди (67), Дукуре (84), Робертсон (87), Пикфорд (87).
«Энфилд» стадиони.